Testi musica canzoni

Era na vota na terra assaie bbella,
spusata c' 'o mare e vasata r' 'e stelle.
'A ggente e stu posto era ggente tranquilla
campava e mureva a ritmo 'e tarantella.

Nu iuorno assaie triste quaccosa cagnaie
se graffiaie 'o disco, 'a puntina zumpaie.

'A popolazione era quadruplicata
'a terra e' chiù viecchie eveno recintata
chi puteva, 'e bbraccia se l'era vennute
nascettero 'e primme disoccupate.

E ttutta sta ggente nun ballava maie
se spargette 'a voce: cercavano guaie.

Era na vota e mo' chest'è 'a realtà.

I' so' discendente 'e sti disgrazziate
'e sta stirpa dannata 'e curnute e mazziate
ca 'o ppane r' 'a vocca s'è sempe luvato
pe nun me fà essere chiù emarginato.

E chillu criaturo criscette e sturiaie
l'orgoglio r' 'a ggente soia addeventaie.

Ma 'o scuorno pe tutta na vita subbeto
sturianno disprezzo è addeventato.
No, nun è chiù tiempo e subbì, chesta vota
l'emarginazione è na scelta oculata:
se chiamma distanza e vuie state puntate.

Chi semmena 'o viento recoglie 'a tempesta
emarginato ero, emarginato resto.

Era na vota e mo' chest'è 'a realtà.