Testi musica canzoni

KILBOGIE

First when I cam' tae Kilbogie's toon
Wi' my short coat and my tartan plaidie
First when I cam' my bonnie love tae see
She stayed in her bed till her breakfast was ready

When her breakfast it was set doon
She said she had been tae the fields wi' her daddy
Weel I kent by the silk o' her hands'
She stayed in her bed till her breakfast was ready

When her breakfast it was set doon
It was set doon and it was made ready
Oot spake her mother untae her
"Hae naething tae dae wi' a Hielan' laddie"

They gaed oot tae tak' a walk
Tae tak a walk till the dinner was ready
He's set her up on his high horse back
An she's far, far awa' frae her hame in Kilbogie

When at last tae the Hielan's they cam'
There was naething there fitting for a lady
Naething was there for her tae lay on
But a wee pickle heather an'his tartan plaidie

"In my faither's hoose there's blankets and sheets
They are very white and bonnie
An' right angry my faither wad be
Tae see me lyin' here on yer tartan plaidie"

"In the Hielan's we've got plenty o' sheep
They are very thick and bonnie
It's ye'll get wool an' ye can spin
An mak ye a blanket instead o' a plaidie"

"A coach and six tae me prepare"
A coach and six was gotten ready
A coach and six tae tak' her a' the way
An' she's awa' back tae her home in Kilbogie

@Scots @courtship
sung by Jean Redpath
filename[ KILBOGI
SF
===DOCUMENT BOUNDARY