Testi musica canzoni

Cãnticu di sãrmãnitsã



Lululei dit sãrmãnitsã

Bati vimtul la purtitsã,

Anyil bun lãi anyil domnu,

Intrã-n casã shi adu-i somnu.


Nani nu-nj ti-aspari nani,

C-anj tsã da dada curbani

Baiur di flurii di gushi

Shi un ghiurdan di lãndãrushi


Shi unã padi, di livadi

S-ãnj ti-agiots cu dada-mpadi


S-ãnj ts-aducã Luna nunã

Shi nunlu mari Soarli

Steali unã cãti unã

S-ãnj ts-adar ciupari,


S-yinã maia s-batã gaia,

S-yinã paplu s-bat-araplu

Shi-unã prici licurici

Cari doarmi tu lilici


S-anj ti-acatsã somnul,

Somnu-n bratsã

Ta s-ts-alasã yisu

Pri fatsã,


S-creshtsã mari pui,

Pui di vreari,

Livindeatsã